Тело на непознат маж е пронајдено во градот Јанина во Грција.
Според првите информации, се сомнева дека е убиен на друго место, по што денес бил преместен на локацијата каде што е пронајден.
Грчките медиуми јавуваат дека мажот имал лисици на левата рака и оружје врзано на другиот крај од полицискиот „алат“. Засега не е познато дали со ова оружје е убиен мажот.
Околу главата и нозете му биле врзани вреќи со ѓубре, додека торзото му било откриено.
Се чини дека на телото има повреди, но засега не се познати повеќе детали.
Процесот на идентификација е во тек.
Надлежните ги прегледуваат камерите во околината, при што се нагласува дека на ова подрачје нема пријавени исчезнувања.