Осум првоодделенци од ОУ.„Нада Поповиќ“ од Крушевац се повредени денес во Соко бања, откако падна рингишпилот на кој се забавуваа.
Според првичните информации, едно од децата се здоби со скршеница на главата, а останатите седум се згрижени најпрвин во болницата во Соко бања, а подоцна се транспортирани во Клиничкиот центар во Ниш.
Директорката на училиштето Јелена Ивановиќ веднаш по настанот се упати во Ниш.
– Учениците беа сместени во Хотел „Здрављак“. Родителите се известени и сме во постојан контакт. Сите сме шокирани поради ова што се случи. Најважно ни е сега децата да бидат добро, изјави директорката за Новости.
Елена Георгиевска