Новата левоцентристичка Партија на Миро Церар победи на предвремените парламентарни избори во Словенија, според излезните анкети.
Формацијата на Церар, која беше создадена пред еден месец, освои 36,9 отсто од гласовите, покажаа анкетите.
На второ место со 19,2 отсто се наоѓа десноцентристичката Словенечка демократска партија (СДС) на поранешниот премиер Јанез Јанша, кој се наоѓа во затвор за корупција.
Трета со 9,7 отсто е Демократската партија на пензионерите (ДеСУС) на министерот за надворешни работи Карл Ерјавец.
Официјалните резултати се очекуваат за подоцна денеска.