Реформата на словенечкиот пензиски систем, која стапува во сила од 1 јануари 2013 година, предвидува старосниот минимум за мажите и жените во Словенија кои заминуваат во пензија да биде 65 години или 60 години под услов да го исполниле условот од 40 години работен стаж.
Реформата, со која во 2013 година ќе се заштедат 150 милиони евра, усвоена е едногласно во словенечкиот Парламент на 4 декември.
Според новиот систем, словенечките граѓани мора да одат во пензија со 65 години старост, под услов да имаат најмалку 15 години работен стаж.
Според претходниот закон, жените во Словенија можеа да одат во пензија со 63 години старост или со 58 години под услов да имале 38 години работен стаж, додека мажите имале право да се пензионираат со 65 години, односно со 58 години, доколку исполнувале услов од 40 години работен стаж.