Генералниот секретар на НАТО, Андрес Фог Расмусен изјави дека НАТО е подготвено се уште да гарантира за безбедност на Косово и да го оневозможи обидот да се уништи напредокот.
Расмусен ја повтори поддршката на НАТО и рече дека договорот кој што го постигнаа Белград и Приштина во април, треба да се оствари и дека тоа дава надеж за подобра иднина.
Косовскиот премиер, Хашим Тачи истакна дека Србија треба да продолжи да го применува договорот, како што и Косово е определено за тоа.
Генералниот секретар на НАТО, при посетата на КФОР на Косово, се сретна со Тачи, министрите за безбедност, Агим Чеку и Далибор Јевтиќ и истакна дека силите на КФОР се подготвени да помогнат за остварување на бриселскиот договор за прашања, во кои се бара вклучување на меѓународните мировни сили.
Eлена Георгиевска