Над 700 војници и помагаат на полицијата за решавање на проблемот со имигрантите во Словенија, јави ТАСС.
Генералштабот на словенечкит вооружени сили, соопшти дека во моментот справувањето со потокот имигранти е приоритетно за армијата и началникот на Генералштабот Андреј Остерман потпишал наредба армијата да и помага на полицијата при прифаќањето, регистрацијата и нивното сместување.
Војниците веќе соработуваат со полицијата во камповите за имигранти во градовите Ново Место, Марибор, Брежице и Шентил. Полициските патроли добиваат техничка поддршка од армијата, а за контрола на границата се доставени и воени хеликоптери.
Во моментот се ангажирани 718 војници на терен и околу 800 во логистика.