Над 230 меѓународни летови треба да пристигнат денес на грчките аеродроми

Од:

На првиот ден од отворањето на сите грчки аеродроми, закажани се 235 меѓународни летови со туристи кои ќе пристигнат од Германија, Швајцарија, Полска, Литванија, Србија, Чешка, Романија, Франција, Данска и други европски земји, а најголемиот број од нив, вкупно 70, ќе слетаат во два града на островот Крит.

Според истите информации, денеска, освен во Солун и Атина, планирани се меѓународни летови кон Родос, Санторини, Миконос, Скиатос, Парос, Самос, Крф, Кефалониа и други.

Патниците од првите летови по над три месеци пауза, на дел од аеродромите на островите беа пречекани со водени топови, музика и локални специјалитети.

На аеродромите, согласно селекцијата направена со баркодовите на секој патник, ќе се прават и наменски тестови за Ковид-19, а како што пишува АНА-МПА, во градот Ираклио на Крит, дневно ќе се тестираат 825 лица, во Хања на истиот остров 275, а на Родос дневно ќе се земаат 605 примероци за анализи.

Освен аеродромите, отворени се и пристаништата во Патра и Игуменица, а утре се очекува во Патра да пристигнат над 1.000 патници со седум бродови од Италија.

Би можело да ве интересира

Ердоган: Оној што ќе го нападне турскиот брод ќе плати висока цена

А1он

36 новозаразени со коронавирус во дом за стари лица во Солун, властите најавија истрага

А1он

Турскиот брод кружи на работ од грчкиот континентален гребен, тензиите не се смируваат

А1он

Грција воведува нови рестрикции за влез во земјата преку „Евзони“

А1он

По тензиите меѓу Турција и Грција, Макрон испраќа воени бродови во источниот Медитеран

А1он

Во Грција регистрирани рекордни 262 случаи на Ковид-19

А1он