Српската глумица Милена Дравиќ, која на крајот октомври беше итно примена на Одделот за онкологија во Белград, на нејзино барање била отпуштена од болница, објави белградскиот весник „Вести“.
– Иако тоа не е вообичено, минатата недела таа беше отпуштена. На излегувањето беше порасположена, но видно истоштена и исцрпена. Како што дојде, така и си отиде, тивко и без помпа, изјави неименуван извор од болницата за весникот.
Тој тврди дека додека престојувала во болница, Дравиќ редовно ја посетувале само една нејзина роднина и жената што и помага дома.
Гласините говорат дека Дравиќ боледува од тумор што веќе ги зафатил и нејзините коски, поради што операција е неизводлива, па лекарите применувале алтернативни методи на лекување.
– Ги прими терапиите, па сега е малку посилна, додава изворот.