Новиот словенечки Парламент на вчерашната конститувна седница го избра за свој претседател Милан Барглез од партијата на Миро Церар и ги потврди мандатите на сите 90 пратеници, избрани на предвремените парламентарни избори на 13 јули.
На седницата присуствуваше и лидерот на Словенечката демократска партија Јанез јанша, кој моментно отслужува двегодишна затворска казна за корупција.
Пратениците се согласија да не му се прекинува мандатот на Јанша, кој ја предводеше листата на СДП, но неговиот случај и понатаму претставува проблематична правна и политичка тема, за која Парламентот треба подоцна да се изјасни.
Повеќето од пратениците сметаат дека јанша не може да ги извршува пратеничките обврски од затвор.
Според словенечките закони им се одзема имунитетот на пратеници осудени за криминал, кои имаат пресуда од најмалку шест месеци затвор. Меѓутоа со законот не е утврдено што се случува доколку некој добие место во Парламентот додека се наоѓа в затвор.
Партијата на јанша, која е најголема опозициска сила во новиот законодавен дом, одби да учествува во парламентарните комисии формирани вчера, најавувајќи дека ќе продолжи да ја бојкотира работата на парламентот се додека Јанша не биде ослободен од затвор.
Во меѓувреме продолжуваат преговорите за формирање идна коалициска влада. Според Церар, кој веројтано ќе биде новиот премиер, преговорите ќе продолжат и следната недела, а владата може да почне со работа во септември.