Премиерот на Црна Гора, Душко Марковиќ, вечерва изјави дека земјата ја завршила најважната фаза во спротивставувањето на вирусот Ковид-19.
Во интервју за телевизијата „Нова М“, тој рече дека овој резултат е постигнат преку навременост, одговорност и стручност на институциите, како и координација на сите делови од системот.
„Успешно ја завршивме најважната фаза на спротивставување на Ковид-19 во заштита и одбрана на граѓаните“, рече Марковиќ, потсетувајќи дека веќе четири дена во Црна Гора нема нови случаи и дека само пет пациенти се хоспитализирани поради коронавирусот.
„Сите овие податоци покажуваат дека Црна Гора е најдобриот модел за заштита на здравјето на нашите граѓани и за исполнување на овој клучен предизвик. Нашата клучна цел беше да го заштитиме здравјето на луѓето, за тие да не стигнат до респиратор. Значи, нашата цел не беше да добиеме респиратори по секоја цена, туку да ги заштитиме граѓаните и тие што се заразени да не доајдат во ситуација да бидат на респиратор, затоа што тогаш шансите за преживување се многу мали“, изјави Марковиќ.
Црна Гора веќе се подготвува да ја отвори летната сезона на 18 мај, а предложени се и сет мерки за тоа како би функционирале мерките за заштита и за држење физичка дистанца на плажите.