Главниот град на Словенија, Љубљана, е добитник на европската награда “Зелен главен град на Европа за 2016 година”, јави дописникот на МИА од Брисел.
Наградата беше врачена од страна на комесарот на ЕУ за животна средина, Јанез Поточник, на церемонија во Копенхаген.
Љубљана доби признание за подигање на свеста за животната средина меѓу нејзините граѓани со својата стратегија за одржливост “Визија 2025”, за реализацијата на голем број на урбани зелени мерки во текот на изминатата деценија и својата импресивна транспортната мрежа.
– Големо задоволство ми е да и jа доделам наградата “зелен главен град за 2016 година” на Љубљана. Како негов жител, со огромна гордост му честитам на градот за достигнувањата во животната средина. Сите финалисти во трката за оваа награда обезбедија вреден и пример за реален живот во однос на тоа како почит за животната средина и во комбинација со одличен квалитет на животот и економски раст, постои еврокомесарот Поточник.
Европската награда “зелен главен град” е годишен настан и ги промовира и наградува напорите на градовите кои се посветени на подобрување на урбаната средина. Наградата се доделува на европски град кој досега има покажано добро воспоставена евиденција за постигнување на високи еколошки стандарди и е посветен на тековните и амбициозни цели за идно подобрување на животната средина и одржливиот развој.