Косово влезе во агендата за зачленување во Интерпол, објави Пацоли

Од:

Вицепремиерот и министер за надворешни работи на Косово, Беџет Пацоли објави дека добил потврда дека неговата земја е влезена во агендата за зачленување во Интерпол, на собрание што ќе се одржи во ноември во Дубаи, јавува дописникот на МИА од Приштина.

– Една многу добра вест за нашата земја. Косово се потврдува уште еднаш во агендата за зачленување во Интерпол, објави Пацоли преку Фејсбук.

Поддршката, според шефот на косовската дипломатија, е добиена со мнозинство гласови на состанокот на Извршниот совет на организацијата, одржан во Лион, Франција.

– Зачленувањето на Република Косово во Интерпол не претставува закана за никого. Косово во Интерпол помага во глобалната борба против организираниот криминал, насилниот екстремизам и другите криминални феномени, порача Пацоли.

На зачленувањето на Косово во оваа и во други меѓународни организации и институции остро се спротивставува Србија, која во тие напори ја има поддршката на своите сојузници, како Русија, Кина и други.

Би можело да ве интересира

Приштина тврди дека Србите не ја искористиле можноста да гласаат на референдумот

Во Косово приведен македонски државјанин по кого е распишана меѓународна потерница заради тешко убиство

Орце Костов

Македонија ќе поддржи резолуција за геноцид во Сребреница

Орце Костов

Интерпол активираше жолта потерница за Данка Илиќ

Катерина Ѓуровски

Германија испраќа дополнителни војници во Косово

Горан Наумовски

Уапсен Србин на Косово: Обвинет е за воени злосторства

Горан Наумовски