Претседателот на Демократската партија на Србија, Воислав Коштуница денес изјави дека ЕУ го покажа вистинското лице и дека ниту бриселскиот договор не е доволен за да и се одреди датум на Србија, за членство.
По повод изјавата на шефот на делегацијата на ЕУ во Србија, Венсан Дежер за тоа дека Европскиот совет на 28-ми јуни нема да одлучува само за датум за почеток на пристапните преговори со Србија, туку и за „зелено светло“ за отворање на преговорите, Коштуница оцени дека ЕУ отворено и грубо ја понижува власта во Србија.
-Ниту бриселскиот договор не е доволен за добивање датум, наведе тој.
Лидерот на ДСС оцени дека актуалната власт државата ја стави во агонија и безнадеж, бидејќи продолжи да ја води деструктивната политика дека ЕУ е цел на Србија.
Елена Георгиевска