Криминалците на Балканот одлично соработуваат едни со други и институциите треба соодветно да одговорат на оваа ситуација, изјави црногорскиот министер за внатрешни работи Рашко Коњевиќ.
Тој најави формирање на специјална полициска единица, која ќе дејствува по наредба на Специјалното обвинителство за корупција и организиран криминал, јави Танјуг.
Коњевиќ, кој учествува во проектот „Црна Гора на Твитер“, реализиран од Центарот за демократска транзиција, даде добра оценка за регионалната соработка.
– Ги разоткривме заедно некои од најтешките криминални дела во Црна Гора и Србија. Други криминални дела беа спречени преку размена на информации, објави министерот на Твитер.