Агенцијата за животна средина на Словенија неодамна завршила проект за климатските промени во државата и податоците недвосмислено покажуваат дека просечната температура расте побрзо отколку во другите делови од светот, јави Слевенечката телевизија.
Тоа најдобро се гледа според просечната температура како и по бројот на топли и жешки денови над 35 степени Целзиусови.
– Во изминатите 50 години од минатиот век во Словенија имало вкупно помалку денови со температура над 35 степени отколку во само 14 години од овој век, се вели во анализата.
Летото 2014 година било најтопло откако се мерат температурите во Словенија. Оваа зима била меѓу потоплите.
Од Агенцијата предупредуваат дека не е човекот единствен кој мора да се прилагодува на промените.
– Кај некои растенија и животни тоа се случува многу споро, објаснуваат експертите и додаваат дека на пример, шумите се прилагодуваат многу споро и за тоа им е потребно 50 до 80 години.