Словенија го поддржува зголемувањето на присуството на сојузничките сили во Источна Европа, кое вклучува создавање на мултинационални баталјони во балтичките држави и Полска, изјави денеска министерката за одбрана на Словенија Андреја Катич по пристигнувањето на средбата на министрите за одбрана на земјите-членки на НАТО.
– Словенија е солидарна со другите членки на НАТО и ќе го поддржи предложениот механизам, но во овој момент е премногу рано да се зборува за конкретниот придонес од нашата земја, се ќе зависи од текот на преговорите, истакна Катич.
Според нејзините зборови, на состанокот се планира дискусијата за план за заеднички активности за обезбедување на подготвеноста на Алијансата кон сегашни и идни предизвици.
Основен акцент се става на зајакнувањето на меѓународните сили на источното крило на НАТО, како и создавање на мултинационални баталјони и борбени групи во земјите од балтичките држави и Полска.
Покрај тоа, се планира спроведување на заеднички копнени и поморски вежби во Романија, во Бугарија и во Црното Море.