Југословенска радио-телевизија почна да емитува тест програма преку интернет.
Млади ентузијасти кои сакаат да `вратат барем нешто од пропаднатата Југославија` ја покренаа оваа телевизија ЈРТ.
Според нивните зборови, таа нема цел за будење на југоносталгијата, туку да ги спои најголемите регионални центри, Сараево, Скопје, Љубљана, Загреб, Белград, Подгорица, Приштина и Нови Сад во еден сервис, со цел на граѓаните да им се пренесе објективна, концизна и проверена информација.
Тимот е составен од повеќе од 50 луѓе, амбициозни и млади волонтери од Србија, Хрватска, БиХ и Црна Гора, на чие чело се наоѓа иницијаторот Бенјамин Хасаниќ.
Во склоп на телевизијата активни се четири редакции и тоа за информативно-политичка програма, забавна и спортска програма, филмска и документарна програма и културно-образовна програма..
Дневно ќе емитуваат 18 часа програма од сопствено производство.
ЈРТ функционираше до 1990 година, а во неа членуваа шест републички и две покраински РТВ центри: РТВ СКопје, РТВ Љубљана, РТВ Сараево, РТВ Загреб, РТВ Белград, РТВ Титоград, како и РТВ Нови Сад и РТВ Приштина.