Претседателот на опозициската Словенечка демократска патија (СДС) Јанез Јанша објави на својот налог на Твитер дека добил повик за издржување затворска казна и оти во затворот мора да се јави до 20 јуни.
Словенечките медиуми јавуваат дека доколку Јанша доброволно не се пријави во затворот тој ќе биде приведен со примена на сила.
Јанша меѓутоа претходно изјави дека нема да бара одложување на казната. Поранешниот премиер е осуден поради корупција на две години затвор во случако Патриа, додека неговите соработници Иван Чрнкович и Тоне Кркович се осудени на по 22 месеци затвор.
Сите тројца мораат да платат и парична казна и судски трошоци во висина од по 37 илјади евра.