Главниот преговарач на Хрватска во Европската унија, Владимир Дробњак изјави во Белград, дека во Брисел никој не оспорува Србија еден ден да стане членка на ЕУ.
-Датумот ќе го добиете порано или подоцна. Патот е тежок и напорен, но наградата е голема – изјави Дробњак, по трибината посветена на искуствата на Хрватска при влез во ЕУ.
Дробњак оцени дека Србија е во предност, во однос на Хрватска на почетокот на преговорите.
Помошникот на министерството за надворешни работи, Хрвоје Марушиќ изјави дека му е драго што во Белград се и претставници на нивната држава и дека му е чест да ги сподели своите искуства.
-Хрватска е на страна на Србија, во оваа приказна сакаме европска Србија. Хрватска сака европски регион и се надева дека ова е првиот чекор во заедничкото работење -изјави Марушиќ.
Елена Георгиевска