Грција и Саудиска Арабија ќе ги поврзат Европа и Азија со кабелски систем за пренос на податоци

Од:

Грција и Саудиска Арабија потпишаа начелен договор за проектот „East to Med data Corridor“, односно за подводен и копнен кабелски систем за пренос на податоци што ќе ги поврзе Европа и Азија, брифираат грчки дипломатски извори, јави дописничката на МИА од Атина.

dobivaj vesti na viber

Првичниот договор во Атина го потпишаа извршните директори на компаниите од двете земји вклучени во проектот, а текстот на конечниот договор се очекува да биде потпишан до крајот на јули годинава.

Реализацијата на проектот би требало да започне на почетокот на есента, а процените се дека кон крајот на 2025 година ќе биде финализиран.

Според истите извори, станува збор за историски проект кој ги користи географските позиции на Грција и Саудиска Арабија за да создаде коридор за пренос на податоци, неопходен за глобалната економија, додека двете земји ги става во центарот на транспортот, чувањето и генерирање податоци во Евроазија.

Проектот ќе ја направи Грција источна порта кон ЕУ за пренос на податоци, а Саудиска Арабија ќе стане регионален дигитален центар.

Вчера и денеска во Атина се одржаа бизнис форум и состанок на заедничкиот министерски комитет меѓу Грција и Саудиска Арабија.

Извор: МИА

Би можело да ве интересира

ВИДЕО: Голем шумски пожар на грчкиот остров Тасос

Ана Ололовска

Намалена невработеноста во Грција

А1он

Стајкурас: Грција по 12 години се враќа во европската нормала и повеќе не е исклучок во еврозоната

Промени во начинот на работење на Националната служба за разузнавање на Грција

А1он

Спасувачка акција во близина на грчкиот остров Родос, спасени 29 лица

Катерина Павлова-Николовска

Иконому: Грчката Влада не користи софтвери за следење

А1он