Претседателот на Демократската партија Драган Ѓилас го повика државното раководство на граѓаните да им ја соопшти вистината, а не да „мие“ раце од преговорите, кои Србија ја доведоа во неповолна позиција.
-Наместо пред нас да излезат со решение и јасни ставови, премиерот Ивица Дачиќ молчи, потпретседателот на владата, Александар Вучиќ се жали, а претседателот на државата Томислав Николиќ се крие зад телефонски разговор со претседателот на Русија, Владимир Путин-изјави Ѓилас.
Тој оцени дека резултатите од преговорите со Приштина очигледно се две лоши решенија и додаде дека доколку постои идеа да се откаже од европскиот пат, тоа треба јасно да и се каже на Србија и Европа.
Елена Георгиевска