Европската комисија го прими барањето на Владата на Србија за помош во санирањето на штетите од поплавите и интензивно ја подготвува првата транша, јави Танјуг.
– Нашите експерти за цивилна заштита во моментот ги координираат мерките за помош на Србија, изјави Ирина Новакова, портпарол на еврокомесарот за хуманитарна помош и вонредни состојби Кристалина Георгиева.
Европскиот центар за координација во вонредни состојби (ЕРЦЦ) ги проценува штетите и мерките кои треба да се преземат, а потоа со помош на земјите-членки ќе достави неопходна помош, појасни таа.
Српската Влада вчера соопшти дека побарала помош од ЕУ, Русија и Словенија.