Националната авиокомпанија на Обединетите Арапски Емирати „Етихад“ денеска потпиша Договор за стратешко партнерство со српската авиокомпанија ЈАТ.
„Етхад“ купи 49 проценти од ЈАТ, а државата задржа 51 отсто од акциите. Српската авиокомпанија и ќе го смени името во „Ер Србија“.
Според Договорот „Ер Србија“ до крајот на годината ќе добие 10 нови авиони „Ербас“ и ќе отвори работни места за 50 пилоти. Државата ги презема долговите на ЈАТ, кои достигнаа 170 милиони евра.
„Етихад“ е еден од најдобрите авиопревозници во светот, поседува 77 авиони „Ербас“ и „Боинг“ и превезува 10 милиони патници годишно до 94 дестинации на Блискиот ИСток, Африка, Европа, Азија, Австралија и Америка. „Етихад“ има удел од 29 проценти во германската авиокомпанија „Ер БЕрлин“ и 40 отсто во „Ер Сејшелс“ и помали удели во неколку светски авиокомпании.