Високата претставничка на ЕУ за надворешна политика и безбедност Кетрин Ештон сака позитивен исход од денешните разговори на српскиот и косовскиот премиер Ивица Дачиќ и Хашим Тачи во Брисел.
Имено, Ештон смета дека примената на спогодбата за нормализација на односите меѓу Белград и Приштина е од клучно значење, изјави портпаролката на Ештон Маја Коцијанчич и додаде дека откако Ештон ќе се сретне одделно двајцата премиери, ќе следува заедничка вечера.
Според Коцијанчич, средбата се очекува да трае подолго со оглед на фактот дека целта на средбата е да се постигне јасен договор за примена на спогодбата.