Албанскиот премиер, Еди Рама изјави дека е подготвен да го посети Белград и покрај инцидентот на фудбалскиот натпревар помеѓу Албанија и Србија, но дека посетата зависи од српските власти.
-Подготвен сум да одам, од нив зависи дали ќе ме поканат- рече тој.
Инаку Рама ги отфрли наводите дека неговиот брат Олси управувал со беспилотното летало, на кое беше закачено знамето на таканаречената Голема Албанија.
-Не го направи тоа мојот брат, ниту некој од 45-те Албанци кои во тој момент беа на стадионот. Знаеме како тоа го прави пропагандата на Студената војна и политиката на Балкан- наведе албанкиот премиер.
Инаку Рама потсетидека ова би бил прв состанок на шефови на влади на двете држави по 68 години, што укажува на проблеми и недоверба.
-Политиката не треба да биде водена од фудбалски натпревар и време е да се оди напред – изјави тој, а на својот профил на „Твитер “ напиша дека Голема Албанија не е проект на Албанија.
Е. Г.