Едно лице загина во голем пожар што избувна во магацин на словенечкиот трговски синџир „Меркатор“ во љубљанската приградска населба Залог.
Командирот на љубљанските пожарникари Томаж Кучиќ изјави дека во пожарот загинал еден од вработените во „Меркатор“. Во пожарот е повредено и едно лице, кое е хоспитализирано.
Огнот го уништи централниот магацин за свежи производи, месо, овошје и зеленчук.
Во гаснење на неколкучасовниот пожар учествувале околу 180 пожарникари. Засега официјално не е позната причината за пожарот, како ни големината на штетата.