Шефот на делегацијата на ЕУ во Србија, Венсан Дежер денес изјави дека е многу важно преговорите на ЕУ и Србија да се отворат, но дека во тој правец има уште многу нешта да се направат.
Коментирајќи ја изјавата на српскиот премиер дека на Србија не и е потребно зелено светло, туку датум, наведе дека ги разбира за очекувањата.
-Ова е она што го предложија Ештон и Европската комисија, така што се надеваме дека ќе се отворат преговорите. Но има уште многу нешта што треба да се направат-изјави тој.
Дежер додаде дека кога ќе се направи се што е неопходно, Србија сигурно ќе добие зелено светло.
Српскиот премиер вчера порача дека за неговата држава не е прифатливо на 28-ми јуни да не добие датум за почеток на преговорите, туку само „зелено светло“ и дека тоа може да ја загрози примената на бриселскиот договор.
-Тоа зелено светло-не сме ние сообраќајници. Нас не интересира позитивна одлука на Советот на ЕУ, доколку тоа не го добиеме мислам дека сме измамени-изјави Дачиќ.
Елена Георгиевска