За Србија е неприфатливо да стане членка на Европската унијата истовремено со признавање на независноста на Косово, изјави српскиот премиер и министер за внатрешни работи Ивица Дачиќ.
– Многу земји од ЕУ би сакале да го видат тоа, но тоа не е официјалниот став на ЕУ, рече Дачиќ и додаде дека пет членки на Унијата се уште не ја признале независноста на Косово.
– За нас таков услов за приклучување во ЕУ, како што е признавање на независнота на Косово, е неприфатлив, нагласи Дачиќ.
Тој напомена дека Србија е подготвена да работи со Косово за нормализирање на односите.