Српскиот премиер Ивица Дачиќ изјави дека вторник е „денот Д“ за Србија и дека „дотогаш мора да се изјасниме дали да го прифатиме она што во Брисел е понудено“, јави Танјуг.
– Ештон ни порача дека повеќе нема преговори. Притисоците беа невидени. Во еден момент високопозициониран политичар од Западот ми рече: Вие сте сами, немате избор, рече Дачиќ за денешното издание на весникот „Ало“.
– Значи, меѓународната заедница е на страната на Приштина, а ние сме оставени сами да се бориме. Во овој момент не можам да ви кажам каков ќе биде нашиот одговор, бидејќи државниот врв повторно ќе се консултира за тоа, рече Дачиќ.