Српскиот премиер Ивица Дачиќ вечерва изјави дека Србија нема да прифати на гласачките ливчиња за локалните избори на Косово да стои каква било ознака „Република Косово“.
„Не можеме да учествуваме на локални избори, ако постојат нешта кои не говорат за статусна неутралност. За нас тоа е сосема неприфатливо, сметам дека за ова дијалог практично нема“, рече Дачиќ.
Тој пред продолжението на дијалогот со косовскиот премиер Хашим Тачи порача дека српската желба за дијалог не е слабост и дека се лаже секој кој тоа го мисли.