Српскиот премиер Ивица Дачиќ по повод вчерашниот инцидент на српско-косовската граница изјави дека малите инциденти можат да доведат до тешки последици и оти треба се да се направи за тие да се избегнат.
– Очигледно дојде до кршење на постоечкиот договор и во копнената зона на безбедност влегоа вооружени луѓе со цел да крадат дрва, што не е ново. Тоа постојано се случува на подрачјето на Куршумлија и често доведува до инциденти, истакна синоќа Дачиќ во Брисел по 13 рунда од дијалогот меѓу Белград и Приштина.
Тој наведе дека во иднина треба да се избегнуваат такви инциденти, додавајќи оти приштинската страна не била заинтересирана за продлабочување на разговорот за тој случај.
– Важно е да имаме чиста ситуација и процесот да продолжи понатаму, посочи Дачиќ.