Бугарија започнува кампања во соседните земји за да привлече туристи

Од:

Покрената е голема рекламна кампања за Бугарија во нејзините соседни земји, со цел продолжување на летната сезона и привлекување повеќе гости во септември, изјави привремениот министер за туризам на Бугарија Илин Димитров.

Кампањата ќе биде насочена и кон домашниот пазар во Бугарија, со што Бугарите ќе го посетат Црно Море, јави дописникот на МИА од Софија. Во исто време, Бугарија започна голема рекламна кампања во соседните земји на Балканот. Бугарија планира да го зајакне рекламирањето на својот туризам и во Полска На почетокот на септември се очекува новинарска турнеја од Германија која ќе придонесе и за промоција на Бугарија. Министерот прецизираше и дека планира да ги посети соседните земји како знак дека Бугарија е безбедна земја и нивните граѓани се добредојдени гости.

Димитров додаде дека Бугарија има 200 гранкови организации од областа на туризмот, а целта е да се искористи искуството на Австрија и Хрватска за да има единствена туристичка организација која е партнер на Владата. Затоа треба да се формира работна група која ќе излезе со предлог како да се направи тоа.

Во моментов во Бугарија има околу 40 отсто пораст на туристите во однос на минатата година, но тие се уште се за 25 отсто помалку во однос на претковид 2019 година, изјави министерот за туризам Димитров. Најсериозен пораст годинава забележаа туристите од Велика Британија, Израел, Чешка и Полска. Туристичките власти во Бугарија планираат да ја зголемат сезоната и во септември. Бугарија веќе активно работи на претстојната зимска сезона, која, според него, лани била релативно успешна и покрај поскапувањето на струјата, изјави министерот Димитров.

Извор: МИА

Би можело да ве интересира

Нов земјотрес ја стресе Бугарија

Бугарија оди на нови избори

Во Бугарија не е постигнат договор за нова влада

Почина бугарскиот патријарх Неофит

Почнува мешањето во претседателските избори: „Пендаровски и објави војна на Бугарија“, на амбасадорката врачен протест

Александар Тодески

Бугарија нема да испраќа војници во Украина