Бројот на убиства во Белград е речиси двојно поголем во споредба со минатата година, а сторителите се почесто се млади луѓе, јави српската државна телевизија РТС.
Во првите пет месеци од годината во Белград се извршени 30 убиства, колку што биле извршени во текот на цела 2012 година.
Најкритично време е викендот, а убијците и убиените се почесто се млади луѓе. Многу често убијците сфаќаат што направиле дури откако ќе се соочат со судот.
Изминатите три години во цела Србија се извршени во просек од 130 до 140 убиства. Според податоците на Републичкиот институт за статистика, повеќе убиства има во Војводина и во реонот на Јужна и Источна Србија, отколку на територијата на Белград.