По изјава на еден ученик во основно училиште во Словенија дека неговото семејство во подрумот, под сијалици одгледува растенија, словенечката полиција десет часа вршела претрес, но наместо „сомнителни билки“пронашла хидропонски одгледуван зеленчук.
Како што пишува љубљанско „Дело“, наставникот по географија го информирал директорот на училиштето за изјавата на момчето, а тој полицијата со образложение дека станува збор за сомнителни „зелени растенија“.
Директорот Душан Мерц изјавил дека не направил ништо погрешно и дека бил должен да пријави во полиција, додека семејството е огорчено и најавува дека ќе го испише синот од училиштето, бидејќи неправедно е „стигматизиран“.
Инаку како што пренесе „Хина“ директорот му се извинил на ученикот поради лажната пријава.
Е. Г.