Околу 33 отсто од Словенците очекуваат идната година да им биде подобра од оваа, 24 проценти очекуваат да живеат полошо, додека останатите сметаат дека новата година нема да донесе поголеми промени, покажува анкетата на љубљанскиот дневен весник „Дело“.
Очекувањата во однос на минатата година се малку пооптимистични и се врз основа на податоците според кои Словенија минатата година по повеќе години оствари раст на БДП, што најавува излез од рецесија.
Според 37 проценти од граѓаните минатата година била успешна, 30 отсто сметаат дека идната година ќе биде економски неуспешна за државата, наспроти 25 проценти кои очекуваат економски успешна година, а останатите не очекуваат поголеми промени.