Амбасадата на САД во Подгорица: Сите страни треба да учествуваат во дијалогот за Законот за верски слободи

Од:

Амбасадата на САД во Црна Гора денеска ги повика сите страни во земјата да се вклучат во конструктивен дијалог за Законот за верски слободи.

– Ги повикуваме сите актери да покажат воздржаност и да избегнат каква било ескалација на насилството или насилни акти, се наведува во соопштението од Американската амбасада.

Исто така, се наведува дека САД силно ги поддржуваат слободата на говорот, на здружување, на собирање и правата на поединците мирно да ја уживаат слободата на вероисповед и убедување.

– Ги почитуваме, исто така, правата на сите суверени земји да носат и применуваат закони во согласност со демократските норми и без странско вмешување, се посочува во соопштението од Амбасадата на САД во Подгорица.

Црногорскиот премиер Душко Марковиќ синоќа изјави дека ќе прифати дијалог со црквата за Законот за слобода на вероисповед. Неговата изјава уследи откако митрополитот црногорско приморски Амфилохие наведе дека се подготвени да разговараат со премиерот за отстранување на Законот или сите дискриминаторски одредби во него.

Би можело да ве интересира

Полициска рација во просториите на црногорската Агенција за сузбивање на корупцијата

Инцидент во Бар: Со нож го нападнал сопствениот брат, уапсен е за обид за убиство

Во престрелка во Црна Гора е убиен 29-годишен маж

Горан Наумовски

По силниот, уште два помали земјотреси ја погодија Црна Гора: „Силно се почувствува во Никшиќ“

Горан Наумовски

Силен земјотрес во Црна Гора

Нов земјотрес e регистриран во Црна Гора