Албанскиот специјалец кој уби момче што не почитувало полициски час, доби десет години затвор

Од:

Судот во Тирана денеска осуди поранешен полициски специјалец на десет години затвор за убиството на момче за време на полицискиот час, воведен поради пандемијата на коронавирусот. Обвинителството бараше двојно повисока казна.

Судот во Тирана го осуди Невалдо Хајдарај, поранешен припадник на албанската специјална единица „Шќипоња“, за „убиство со пречекорување на нужната одбрана“ на 8 декември 2020 година.

Тој беше осуден за убиство на 25-годишниот Клаудијан Раша, непосредно по почетокот на полицискиот час во населбата „Лапрак“ во Тирана. Полицијата тогаш соопшти дека Раша бегал и ги игнорирал повиците на полицајците да застане. Убиството предизвика бран од насилни протести во главниот град и во повеќе други албански градови. По ова, Хајдарај беше отпуштен од полицијата.

Протестите доведоа до оставка на министерот за полиција, Сандер Лешај, кој образложи дека се повлекол од морални причини.

На денешното, последно рочиште, Хајдарај не зборуваше, но неговиот адвокат побара извинување од семејството Раша.

Таткото на убиеното момче, Ќазим Раша, изјави дека ќе се обрати на повисоките судски инстанци за да побара правда за синот кој, како што рече, откако полицијата го убила, се обидела да го прикаже како криминалец.

Би можело да ве интересира

ВИДЕО: Рама пречекан со тапани на пуштањето во употреба на „Патот на Арбр“ кој ги поврзува албанска Пешкопеја со Дебар

А1он

Заедничката седница на владите на Албанија и Косово

Албанија го ратификува договорот со Македонија за заеднички контроли на граничните премини

А1он

Албанија се задолжи со 650 милиони евра преку еврообврзница

А1он

Албанија годинава со рекорден историски увоз на електрична енергија од 213 милиони евра

А1он

ВИДЕО: Ромските здруженија на протест против полициската бруталност

Катерина Павлова-Николовска