Абазовиќ: Со потпишувањето на Темелниот договор се врти нов лист, градиме општество на еднаквост

Од:

Црногорскиот премиер, Дритан Абазовиќ, денеска, по потпишувањето на Темелниот договор со СПЦ изјави дека му е чест и задоволство што со денешното потпишување на договорот на убав и достоинствен начин се стави крај на процесот кој, како што кажа, траеше предолго.

-Идејата за потпишување договор со Српската православна црква е стара. Жалам што не беше реализирана во претходниот период. Владата е решена на сите верски заедници да им даде потполно исти права. Среќни сме и задоволни ако денеска придонесовме за тоа, изјави Абазовиќ по потпишувањето на Темелниот договор.

Воедно, тој му посака топло добредојде на патријархот на СПЦ Порфирие.

Абазовиќ додаде дека верува оти на овој начин се испраќа порака за мир и толеранција, дека се врти нов лист и дека се врти кон нови предизвици, кои не им недостасуваат на црногорското општество и околина, туку се со желба да се изгради општество на еднаквост, правда и дека правото што се бара за себе ќе се дава и на другите.

-Тоа е идеја водилка, многу толерантна и граѓанска и верувам дека денеска ставивме крај на еден предизвик што стоеше пред нас, рече Абазовиќ во видео пораката од потпишувањето на Темелниот договор на СПЦ.

Тој истакна дека е горд на сработеното и им се заблагодари на сите кои учествуваа во овој процес.

Тој посочи дека му претставува чест и задоволство што има можност да „го затвори прашањето кое долго време го оптоварува црногорското општество на убав, соодветен, достоинствен начин и во согласност со Уставот и законите на нашата земја“.

Извор МИА

Би можело да ве интересира

Поглаварите на МПЦ – ОА на СПЦ ќе одржат заедничка литургија во Охрид

Катерина Павлова-Николовска

Поглаварите на МПЦ и на СПЦ во Охрид ќе одржат заедничка архиерејска литургија

Ана Ололовска

ПОА на Вранишковски ќе се интегрира во Синодот на Македонската православна Црква – СПЦ донесе одлука

Почнува Соборот на СПЦ, теми Косово и македонското прашање

Ана Ололовска

Ковачевски: „Бехтел и Енка“ не сакаат договорот да биде достапен на пошироката јавност

Орце Костов

Aбазовиќ се надева дека Црна Гора ќе добие нов претседател: Значајно би било и тоа да биде дама

А1он