На Саборот на СПЦ кој заврши денеска била донесена одлука за канонски отпуст на ПОА со цел таа да се интегрира во Македонската проавославна црква – Охридска Архиепископија. Ова е последовна одлука во пресрет на одлуката за доделување томос за афтокефалност на МПЦ. Одлуката ја соопшти СПЦ.
– На годинешново заседание на Светиот Архијерејски Собор особено внимание е посветено на темата на конечното решавање на канонскиот статус на Архијереите на Православната Охридска Архиепископија, во светлина на минатогодишната одлука на Светиот Архијерејски Синод за враќање во канонски статус и воспоставување литургиско единство – и последователната одлука за доделување на Томос за автокефалија – на Македонската Православна Црква – Охридска Архиепископија. За таа цел, Соборот ја донесе одлуката за доделување на канонски отпуст на Јерархијата на оваа автономна Црква од страна на Српската Православна Црква и нејзино интегрирање во Синодот на Македонската Православна Црква во склад со свештените канони и Уставите на нашите две помесни Цркви, како и со претходнопостигнатиот договор на Синодите на сите три црквени структури, се наведува во соопштението од Саборот на Српската православна црква.