Министерот за надворешни работи, Бујар Османи од Преспа Форум во Струга откри дека рокот кој му е даден на ВМРО-ДПМНЕ да размисли дали ќе гласа за уставни измени, односно за договор помеѓу власта и опозицијата за предлозите од последната лидерска средба, е до почетокот на првото гласање во Собранието за отворање на Уставот .
– Ние работиме на две паралелни патеки, во опозицијата во целина и посебно со пратениците. До денот на пленарната седница кога ќе има прво гласање, отворени се опциите да има договор со опозоцијата по однос на устанвите измени вклучувајчи го и планот од три точки кој го предложив вчера.
Јас се надевам дека во следнио период од Влада до Собрание ќе биде препратен предлогот на уставната комисија и ќе почнат да течат роковите за да се дојде до првото гласање. До тој момент имаме шанси за договор со опозицијата – рече Османи.
