Скршена надлактица, скршена клучна коска, хематом на главата, скршени ребра, внатрешно крварење – ова се повреди со кои се здоби седуммесечното бебе, кое наводно е малтретирано од очувот А.К.(20).
Како што соопштија од српската полиција, се сомневаат дека повредите на седуммесечната поќерка и ги нанел А.К. во семејниот стан, искористувајќи го отсуството на сопругата.
Мајката живеела во вонбрачна заедница со насилникот, а подоцна признала дека нејзиниот партнер, односно очувот на бебето го повредил девојчето.
На осомничениот му е одредена мерка притвор до 48 часа и со кривична пријава ќе биде изведен во Основното јавно обвинителство во Краљево.