Поп-ѕвездата Ријана се врати на сцената по петгодишна пауза, настапувајќи на полувремето на Суперболот, најгледаниот спортски настан во САД.
Пејачката по настапот потврди дека е вторпат бремена, а за време на настапот неколку пати го допираше стомакот.
Ријана настапи на пловечки платформи, кои полека се спуштаа кон тревникот каде Канзас Сити Чифс и Филаделфија Иглс се бореа за титулата најдобар НФЛ тим оваа сезона.
SHE’S BAAAACK 👑 @Rihanna #AppleMusicHalftime pic.twitter.com/rH2G9r2RSc
— NFL (@NFL) February 13, 2023
Таа беше облечена во црвен костим, а во настапот кој траеше околу 15 минути изведе делови од нејзините најголеми хитови во придружба на десетици танчери облечени во бели тренерки.
За 34-годишната пејачка од Барбадос ова беше прво појавување на големата сцена во последните пет години, по турнејата на која беше кога го објави последниот албум Анти во 2016 година.
Yes. Yes. Yes. 💃 @Rihanna #AppleMusicHalftime pic.twitter.com/1aaU8TOpNQ
— NFL (@NFL) February 13, 2023
Настапот на полувремето во Супербоул е резервиран за најголемите музички ѕвезди, па со текот на годините Лејди Гага, Бијонсе, Принс, Мадона, Ролинг Стоунс и многу други ги забавуваа гледачите на стадионите и стотици милиони други пред телевизиските екрани.
😵💫 @Rihanna #AppleMusicHalftime pic.twitter.com/Wdl6boI4Xc
— NFL (@NFL) February 13, 2023
Американската национална химна пред почетокот на натпреварот ја испеа познатиот кантри пејач Крис Стејплтон, а оскаровецот Трој Коцур истовремено ја изведе националната химна на американски знаковен јазик.