Американскиот синџир ресторани за брза храна Мекдоналдс го отвори својот прв угостителски објект во Ханој и тоа во кварт каде се наоѓаат ресторани со виетнамска традиционална храна.
Тоа е прв ресторан на Мекдоналдс во Ханој, додека во Хо Ши Мин, најголемиот виетнамски град, има 16. Првиот е отворен во 2014 година.
Жителите на Ханој во долги редици чекаат да влезат во ресторанот и да ги пробаат специјалитетите на Мекдоналдс, кои се околу трипати поскапи од цените на локалната храна.
Виетнам во последните години се отвори за странски инвеститори, меѓу кои се и синџирот за брза храна Бургер Кинг, Старбакс и КФЦ.