Група научници од Бристол Универзитетот во Велика Британија направи детални хемиски и други анализи на 7.500 старо глинено сито, пронајдено во Полска и утврди дека ситото е користено за производство на сирење.
Ова откритие практично докажува дека сирењето е производ стар најмалку 7.500 години.
Научниците од Бристол Универзитетот тврдат дека ситото направено од 34 видови глина, користено е за одвојување на сирењето од скиселеното млеко, што е пример за примитивно производство на сирење.
Научниците истражувањето го објавија на интернет страницата на списанието Начр (Nature), и научниците тврдат дека се работа за „убедливи докази за врската меѓу древните сита и произвоството на сирење“.
Резултатите од истражувањето ги „потврди“ и професорот од Вермонт Универзитетот, Пол Киндстед, познат по научното дело „Сирењето и културата“, велејќи дека доказите се несоборливи и дека сигурно примероците откриени на ситото се остатоци на усирено масно млеко.
Професорот Киндстед додаде дека многу научници тврдат дека сирењето се правело на територијата на денешна Турција уште пред 9.500 години, но дека ова е прв солиден доказ за староста на праксата на производство на сирење.