Кокан Димушевски МРТ не му дозволува на Кокан Димушевски, челн на легендарната „Леб и сол“ да го користи својот законски годишен одмор, кој го чувал за турнеја на групата во Австралија.
Димушевски на својот ФБ профил напишал дека тоа е мобинг врз него и неговата личност од страна на извршните директори на МРТ.
„Ја оневозможуваат нашата турнеја, господе прости им, не знаат што прават. Јас заминувам за Австралија утре“, напишал Димушевски.
Во коментарите, членови на социјалната мрежа велат дека ова е срамно за МРТ, им посакуваат успех и достојно да ја претставуваат нашата држава, дека „Леб и сол“, се најдоброто од Македонија и најдобри амбасадори на Македонија во светот.