Речиси една недела не работи ниту еден од четирите лифтови во зградата на Македонската Радио Телевизија каде се сместени и други органи и министерства. Вработените, но и граѓаните кои имаат потреба од услугите на институциите кои се сместени во зградата на МРТ мораат да пешачат по неколку катови за да завршат работа.
Кога прашавме на пријавница дека сакаме да одиме до Комисијата за заштита на правото за слободен пристап на информации од јавен катактер, од таму не информираа дека таа се наоѓа на 14 кат и дека ќе мора да се качиме пеш, бидејќи нема друг начин да се стигне дотаму.
Пред лифтовите се поставени метални препреки и ленти, кои сигнализираат дека лифтовите не работат. Вработени во службите кои се сместени во зградата на МТВ велат дека до неодамна работел само еден лифт.
Утрово затекнавме десетина граѓани кои задишано ги искачуваа скалите за да ги добијат услугите што им требаат. Некои до вработените раскажуваат дека секојдневно во МРТ доаѓаат и странци, бидејќи таму е сместен Секторот за гранични работи и миграции на МВР, кои исто така мораат да пропешачат за да стигнат до институцијата.
„Лифтовите се исклучени за да се поправат по настанатата штета минатата недела во поплавата. Поправката ќе заврши во текот на наредната недела”, велат од Службата за општи и заднички работи.
Васко Маглешов