Во Веро-центар, в сабота во 17 часот, ќе се одржи четвртата Интернационална тортијада 2012. И годинава Тортијадата е во организација на Хуманитарна oрганизација „Ангелчиња“, а финасиски е поддржана од Градот.
– И годинешното четврто издание на традиционалната Тортијада 2012 ќе го има својот препознатлив хуманитарен карактер, во чиишто рамки, со свои слаткарски ремек-дела, ќе се претстават професионални и слаткари аматери од Бугарија, Украина, Албанија, Србија, Словенија, Турција, Црна Гора, Босна и Херцеговина и од Македонија- посочи Слободан Ќосев, раководител на Секторот за локален економски развој на Град Скопје.
Сите финансиски средства собрани од годинешната хуманитарна Тортијада, ќе бидат наменети за лекување на младиот 25 годишен Јовица Јоце Блажевски, којшто боледува од церебрална парализа и треба да му биде ивршен петтиот третман со матични клетки, а трансплантацијата треба да се изврши во Русија.