Најдобриот тенисер на светот, Новак Ѓоковиќ им го честиташе денот на вљубените на сите. Тој порача дека не треба да се чека овој ден за да се изненадат саканите.
„Нека ви е среќен Денот на заљубените. Но, ме знаете мене, јас верувам дека секогаш е одлична прилика да се слави љубовта и пријателството. Се сеќавам кога имав 12 години го користев 14-ти февруари за прв пат да и подарам цвет на мојата симпатија. Правевте ли и вие така кога бевте деца? Сега веќе не го чекам овој ден, правам убави изненадувања скоро секој ден“.
„Сакам да Ви го честитам и нашиот Свети Трифун, заштитникот на виното и лозарите. Наздравете со пријателите во мое име“, додаде Новак.