Во Словенија е отпечатен ѕиден календар во тираж од 150 копии на кој секој месец од годината е илустриран со фотографија на словенечкиот претседателот Борут Пахор во улога на лекар, градинар, чистач, фризер, месар, градинар и други неполитички професии.
Автори на календарот се дизајнерите Васја Ценчич и фотографот Борут Кранц, а снимките се направени во време на кампањата на Пахор за претседателските избори пред две години. Тогаш со оригиналната акција „Да си дадеме поттик едни на други“, Пахор се претставуваше пред изборита како човек близок до обичниот народ, кој не се срами од никаква работа.
Ценчич изјави дека на Пахор ќе му подари еден примерок од календарот на специјалната презентација на крајот од идната недела. Приходите од продажбата на календарите се наменети добротворни цели.
Според сите анкети на јавното мислење, Пахор (51) е најпопуларниот словенчки политичар. Малку повеќе приврзанички има меѓу женскиот дел на електоратот, а како студент бил и маникен.
Пахор е единствениот словенечки политичар кој досега ги извршувал трите највисоки функции во Словенија – претседател на Парламентот, премиер и шеф на државата.