Вредноста на Фејсбук падна за 37 милијарди долари по последниот скандал со користењето на личните податоци од Фејсбук од страна на компанијта „Кембриџ Аналитика“. Богатството на Цукенберг по скандалот се намали за 6 милијарди долари.
Во соопштение Цукенберг рече дека има обврска да ги заштити податоците на корисниците, а доколку не успеат да го направат тоа не ја заслужуваат довербата на корисниците.
– Работиме на тоа да утврдиме што се случило и да се увериме тоа повеќе да не се повтори, рече Цукенберг.
Добра вест е, според Цукенберг, дека најважните потези кои треба да се направат за да не се повтори веќе ова, се превземени пред неколку години.
– И ние правиме грешки. Имаме се повеќе работа, но мораме да држиме чекор. Уште во 2007 кога ја лансиравме Фејсбук платформата, беше замислено таа да ви ги покаже родендените на вашите пријатели, адресите каде вашите пријатели живеат, како и нивните фотографии, вели Цукенберг.